2023 yilning 19-dekabr kuni Alisher Navoiy nomidagi Toshkent davlat oʻzbek tili va adabiyoti universitetida “Uzluksiz ta’lim tizimida inklyuziv ta’lim: muammo va yechimlar” mavzusida ilmiy seminar hamda “Inklyuziv ta’lim” ilmiy-amaliy laboratoriyasining ochilish marosimi bo‘lib o‘tdi. Ochilish marosimi va ilmiy seminarda O‘zbekiston Respublikasi Oliy ta’lim, fan va innovatsiyalar vazirligi, Maktabgacha va maktab taʻlimi vazirligi huzuridagi O‘quvchilarni kasb-hunarga yo‘naltirish va psixologik-pedagogik respublika tashxis markazi, O‘zbekiston nogironlar jamiyati, oliy taʼlim muassasa professor o‘qituvchilari hamda talabalar ishtirok etdi.

Ilmiy seminarda inklyuziv taʼlim yoʻnalishi boʻyicha Oʻquvchilarni kasb-hunarga yoʻnaltirish va psixologik-pedagogik respublika tashxis markazi direktorning birinchi o‘rinbosari K.Jo‘raboyev soʻzga chiqib, O‘zbekistondagi umumta’lim maktablarida inklyuziv ta’limning tashkil etilishi, amalga oshirilgan ishlar va kelgusi rejalar haqida ma’lumot berdi va ishtirokchilar o‘zlarini qiziqtirgan savollariga javob oldilar. Kelajakda inklyuziv ta’lim bo‘yicha universitet bilan hamkorlikda ishlash yuzasidan kelishib olindi.