Namangan viloyati Pop tumani 65 - sonli maktabning 1-"A" inklyuziv sinfda tahsil olayotgan o’quvchilarni dars jarayonlaridan lavhalar. Matematika fanidan “Buklash orqali simmetriya chizig‘ini topish” mavzusi o‘tildi. Darsda interfaol metodlar, ta’limiy o‘yinlardan foydalanildi. Yangi mavzuni mustahkamlashda o‘quvchilar rangli qog‘ozdan kvadrat shaklini qirqib oldilar va buklash orqali to‘g‘ri to‘rtburchak hamda uchburchak shakllarini hosil qildilar. Simmetriya chiziqlari o‘tkazishni amaliy bajarishdi. Mavzuni sog‘lom tengdoshlari qatori inklyuziv ta’lim qatnashchilari ham qiziqib bajarishdi. Yangi mavzuni mustahkamlashda “To‘g‘risini top” ta’limiy o‘yini o‘tkazildi. O‘quvchilar qarsak chalish orqali to‘g‘ri ma’lumotni tasdiqladilar. Bu ta’limiy o‘yinda geometrik shakllar nomlarini ham takrorlandi.
Inklyuziv sinf dars jarayonlari tuman Xalq ta’limi bo’limi mutaxassislari hamda ota-onalar tomonidan muntazam kuzatib boriladi. Ota-onalar xursand. Alohida ta’lim ehtiyojli bolalarda o‘zgarishlar yaxshi, sinfdoshlari bilan doimo do‘stona aloqadalar.