2022 йил 27 июль куни ”Ёшларнинг репродуктив саломатлик бўйича билим ва ҳуқуқларини ошириш” борасида давлат ва нодавлат ташкилотлари ҳамда оммавий ахборот воситаларининг ўзаро ҳамкорлиги доирасида ўтказилган давра суҳбатида Ўқувчиларни касб-ҳунарга йўналтириш ва психологик педагогик республика ташхис маркази директори ўринбосари У.Маманова ва ижтимоий психологик хизмат бўлими бошлиғи Л.Ахмедовалар иштирок этди.
Давра суҳбатида “Эрта ва қариндошлар ўртасида никоҳларнинг олдини олиш бўйича билим даражаларини ошириш” бўйича “Юксак салоҳият” нодавлат- нотижорат ташкилот томонидан тайёрланган модуль тақдимоти ўтказилди. Келгусида ўқувчи-ёшларнинг тиббий- психологик билимларини ошириш, репродуктив саломатлик бўйича билим ва ҳуқуқларини янада кенгроқ тушуниб олишлари ҳамда эрта никоҳларнинг олдини олиш бўйича ўзаро ҳамкорлик доирасида бажариладиган ишлар бўйича таклифлар асосида йўл харитаси белгилаб олинди.
