• Куриниш

      A
      A
      A

      Шрифт улчами

      0 % га катталаштириш

Yangiliklar

Logopedik seminarlar rejasini shakllantirish bo'yicha seminar

 

Logopedik shoxobchalarda faoliyat yuritayotgan o‘qituvchi-logopedlarning kasbiy faoliyatini tizimli tashkil etish, ilmiy-amaliy yondashuvlarni rejalashtirish hamda ko‘p tilli ta’lim muhitida nutqni rivojlantirish masalalariga yagona yondashuvni shakllantirish maqsadida onlayn uchrashuv tashkil etildi.

Mazkur onlayn uchrashuv doirasida logopedik seminarlar rejasini ishlab chiqish, ularning mazmunini boyitish hamda qardosh tillarda (jumladan, qoraqalpoq, turkman, tojik, rus va qozoq tillarda) nutqiy rivojlanish va logopedik yondashuvlarning o‘ziga xos xususiyatlarini yorituvchi seminar mavzularini rejalashtirish masalalari muhokama qilindi.

Logopedik seminarlar rejasini tuzish: tizimli yondashuv

Uchrashuv davomida ishtirokchilar e’tiboriga logopedik seminarlarni rejalashtirishda quyidagi jihatlarni hisobga olish zarurligi ta’kidlandi:

  • logopedik shaxobchalarning real ehtiyojlari va amaliyotda uchrayotgan muammolar asosida mavzularni tanlash;
  • seminarlar mazmunini nazariy bilimlar bilan bir qatorda amaliy mashg‘ulotlar, keyslar va tajriba almashuv bilan boyitish;
    • seminarlarni bosqichma-bosqich tashkil etish orqali mutaxassislarning kasbiy kompetensiyalarini izchil rivojlantirish;
    • hududlarda til muhiti va ta’lim tili farqlarini inobatga olgan holda mavzularni moslashtirish.

Qardosh tillarda logopedik o‘ziga xoslikni yorituvchi seminarlar mavzulari

Onlayn uchrashuvda qardosh tillarda ta’lim olayotgan bolalar bilan ishlashda logopedik yondashuvlarning o‘ziga xos jihatlariga bag‘ishlangan seminarlar alohida yo‘nalish sifatida rejalashtirildi. Xususan, quyidagi mavzular istiqbolli deb topildi:

  • qoraqalpoq, turkman, rus, tojik va qozoq tillardagi tovush-harf tizimi va uning logopedik diagnostikaga ta’siri;
  • ko‘p tilli muhitda nutq buzilishlarini differensial baholash masalalari;
  • ona tili va ta’lim tili o‘rtasidagi farqlarning bolalar nutqiga ta’siri;
  • qardosh tillar asosida logopedik mashg‘ulotlarni rejalashtirish va didaktik materiallar tayyorlash;
  • ota-onalar bilan ishlashda til omilini hisobga olish.

Mazkur yo‘nalishdagi seminarlar logopedlar uchun amaliy ahamiyatga ega bo‘lib, noto‘g‘ri tashxis qo‘yilishining oldini olish va korreksion ishlar samaradorligini oshirishga xizmat qilishi ta’kidlandi.

Ushbu tashabbus logopedik xizmat sifatini oshirish, mutaxassislar o‘rtasida tajriba almashish va bolalarning nutqiy rivojlanishini yanada samarali qo‘llab-quvvatlashga xizmat qiladi.

 

;