Bolalarni zoʻravonlikning har qanday turidan himoya qilish, ularning jismoniy va ruhiy salomatligini asrash

hamda xavfsiz, sogʻlom muhitni taʼminlash jamiyatning muhim vazifalaridan biri hisoblanadi.

Ushbu yoʻnalishda quyidagi tavsiyalarga qatʼiy amal qilish lozim:

Taʼlim tashkilotlari va oilada zoʻravonliksiz, hurmat va ishonchga asoslangan muhit yaratish.

Kamsitish, haqorat, qoʻrqitish va tazyiqqa mutlaqo yoʻl qoʻymaslik.

Har bir bolaning shaxsiy qadr-qimmati va huquqlari himoyalangan boʻlishini taʼminlash.

Bolalar va ota-onalarga jismoniy, ruhiy, psixologik, axborot (kiber) zoʻravonligi tushunchalarini tushuntirish.

Zoʻravonlikning dastlabki belgi va alomatlarini erta aniqlash boʻyicha tushuntirish ishlarini olib borish.

Taʼlim tashkilotlarida psixologlar faoliyatini samarali tashkil etish.

Stress, qoʻrquv va xavotirni yengish boʻyicha profilaktik mashgʻulotlar oʻtkazish.

Zarurat tugʻilganda mutaxassislar yordamiga murojaat qilishni ragʻbatlantirish.

Ota-onalarga zoʻravonlikning oldini olish boʻyicha tushuntirishlar berish.

Oilada farzandlarga nisbatan mehr, eʼtibor va adolat tamoyillariga amal qilish muhimligini targʻib qilish.

Ota-onalarni farzandlarining hissiy holatiga befarq boʻlmaslikka chaqirish.

Bolalarni sport, sanʼat, ijod va jamoaviy tadbirlarga jalb etish.

Boʻsh vaqtni mazmunli tashkil etish orqali salbiy muhitdan uzoqlashtirish.

Oʻzaro hamkorlik, bagʻrikenglik va doʻstlik qadriyatlarini mustahkamlash.

Bolalarni zoʻravonlikdan himoya qilish oila, taʼlim tashkiloti va jamiyatning umumiy masʼuliyati hisoblanadi.

Yuqoridagi tavsiyalarga amal qilish orqali bolalar uchun xavfsiz, sogʻlom va ishonchli muhit yaratish mumkin.