2022 yil 6-8-oktyabr kunlari Oʻzbekiston Respublikasi Bosh Prokuraturasining ish rejasi, "Ta'lim toʻgʻrisida"gi Qonun, Vazirlar Mahkamasining "Alohida ta'lim ehtiyojlari boʻlgan bolalarga ta'lim berishga oid normativ-huquqiy hujjatlarni tasdiqlash toʻgʻrisida"gi 638-sonli Qarori ijrosini oʻrganish maqsadida Qarshi shahar 17-sonli imkoniyati cheklangan bolalar uchun ixtisoslashtirilgan davlat ta'lim muassasasida kar (eshitmaydigan) hamda zaif eshitadigan bolalar uchun yaratilgan imkoniyatlarni oʻrganish jarayonlari amalga oshirildi.

Mazkur jarayonni amalga oshirish uchun tuzilgan ishchi guruh tarkibida Oʻquvchilarni kasb-hunarga yoʻnaltirish va psixologik-pedagogik tashxis markazi metodistlari Sh.Axmedova va G.Yusupova ishtirok etishdi.

Mutaxassislar tomonidan aniqlangan muammolar yuzasidan ta'lim muassasasi hodimlariga amaliy yordam koʻrsatildi.

Shuningdek, Psixologik xizmat, inklyuziv ta'lim va kasb-hunarga yoʻnaltirish yoʻnalishlarida ta'lim muassasasining hodimlari va oʻquchilari oʻquv amaliy seminar trening mashgʻulotlari tashkil etildi.