Ҳудудлардаги амалиётчи психологларни методик қўллаб-қувватлаш ишлари давом эттирилмоқда!

Халқ таълими вазирлиги ҳузуридаги Ўқувчиларни касб-ҳунарга йўналтириш ва психологик-педагогик республика ташхис марказининг малакали мутахассислари томонидан Тошкент вилояти Оққўрғон туманининг 60 нафар амалиётчи психологлари ва касбга йўналтирувчи психологлари учун  иш ҳужжатларини юритиш тартиблари, иш режада белгилаб берилган методикалар билан ишлаш, ўқувчиларни касб-ҳунарга йўналтириш ва уларни онгли равишда касб танлашларига кўмаклашиш, мактаб психологлари вазифаларининг мазмун моҳиятлари ва ўсмир ёшдаги ўқувчиларга ижобий таъсир этиш усуллари, оила ва маҳалла ҳамкорлигидаги ишларни самарали ташкил этишда етакчи омилларга эътибор қаратиш лозимлиги ҳақида чуқурлаштирилган тартибда тушунчалар берилиб ўтилмоқда. Семинар ташкил этишнинг асосий ғояси- ўқувчиларни касб-ҳунарга йўналтиришда қайси жиҳатларга эътибор бериши кераклиги, руҳан, жисмонан соғлом ва ақлан ривожланган, мустақил фикрлайдиган, она ватанга содиқ, қатъий ҳаётий нуқтаи назарга эга ёшларни тарбиялаш.