Andijon viloyati xalq ta’limi boshqarmsi tomonidan O‘zbekston Respublikasi Prezidentining 2020-yil 13-oktabrdagi PQ-4860-sonli qarori bilan tasdiqlangan “2020-2025-yillarda Xalq ta’limi tizimida inklyuziv ta’limni rivojlantirish konsepsiyasi” hamda O‘zbekiston Respublikasi Prezidenti SH.M.Mirziyoyevning 2022-yil 10-fevral kuni Samarqand viloyatiga tashrifi davomida o‘tkazilgan 14-sonli yig‘ilish bayonida belgilangan vazifalar va Xalq ta’limi vazirining 2022-yil 24-iyun kungi “2022-2023 o‘quv yilida inklyuziv ta’lim joriy etiladigan maktablar ro‘yxatini tasdiqlash hamda ko‘zi ojiz bolalar uchun ixtisoslashtirilgan “Nurli maskan” maktab internatlar uchun tayanch maktabni belgilash to‘g‘risidagi 204-sonli buyrug‘i ijrosini ta’minlash maqsadida Andijon shahar xalq ta’limi bo‘limiga qarashli 17-umumiy o‘rta ta’lim maktabida viloyat seminari tashkil etildi. Ushbu seminarga Respublika tashxis markazi Inklyuziv ta’lim laborotoriyasi bo‘lim metodisti – Sultonbek Mo‘minov, Viloyat XTB sho‘ba mudiri Abdulaziz Qodirov va viloyat maktablarida inklyuziv ta’lim sinflari tashkil etilganlaridan tegishli mutaxassislar tashrif buyurdilar. Seminarda inklyuziv ta’limga oid me’yoriy-huquqiy hujjatlar, inklyuziv sinflarni to‘g‘ri tashkil qilish, zamonaviy pedagogik texnologiya va metodlarga oid mashg‘ulot va ko‘rgazmalar taqdim etildi. Maktab defektologi inklyuziv sinfdagi alohida ta’limga ehtiyoji bo‘lgan o‘quvchilar bilan yakka tartibda ko‘gazmali mashg‘ulot o‘tib berdi.

Shu kuni Andijon shahridagi 6-umumiy o‘rta ta’lim maktabida ham tashkil eilgan korreksion sinfda olib borilayotgan ishlar bilan tanishib o‘tilib, tashrif buyurgan soha mutaxassislari tomonidan tegishli maslahat va tavsiyalar berildi.