O‘zbekiston Respublikasi Prezidentining "Аlohida taʼlim ehtiyojlari bo‘lgan bolalarga taʼlim-tarbiya berish tizimini yanada takomillashtirish chora-tadbirlari to‘g‘risida"gi PQ-4860-sonli qarorida belgilangan vazifalar ijrosini taʼminlash  hamda Yaponiyaning xalqaro hamkorlik tashkiloti JICA tomonidan O‘zbekistonda “Maktabgacha ta’limda inklyuziv ta’lim amaliyotini kuchaytirish” loyihasi asosida joriy yilning 7-noyabr kuni O‘quvchilarni kasb-hunarga yo‘naltirish psixologik-pedagogik respublika tashxis markazi Inklyuziv ta’lim laboratoriyasi bo‘lim rahbari Gulmira Alimova Namamgan viloyatida tuman (shahar) xalq ta’limi bo‘limining Bolalarni ijtimoiy psixologik qo‘llab-quvvatlash sho‘basi inklyuziv va korreksion ta’lim bo‘yicha mas’ul metodistlari hamda inklyuziv ta’lim tashkil etilgan maktablarning boshlang‘ich sinf o‘qituvchilari, maxsus pedagoglar va psixolog xodimlari uchun o‘quv seminar-trening mashg‘ulotlari o‘tkazildi. Seminarda 14 nafar trener tayyorlandi hamda 34 nafar ishtirokchilar jalb qilindi.

O‘quv seminar-trening ishtirokchilariga Yaponiyaning inklyuziv ta’limda amalga oshirgan ishlari tajribasi hamda hozirda O‘zbekistonda inklyuziv ta’limni tashkiliy amaliy faoliyati to‘g‘risida ma’lumotlar berildi, ushbu yo‘nalish bo‘yicha dolzarb masalalar ko‘rib chiqildi.