Kecha mamlakatimiz Prezidenti Shavkat Mirziyoyev maktablarda xorijiy tillar va kasb oʼrgatish tizimini rivojlantirish masalalari boʼyicha kengaytirilgan yigʼilish oʼtkazib, unda oʼquvchilarga maktabni tamomlagunlariga qadar kamida ikkita xorijiy til va bitta kasb-hunarni oʼrgatish vazifasini qoʼydi.Ushbu topshiriq ijrosini taʼminlash borasida  Xorazm viloyatida ham amaliy ishga kirishildi. Viloyat hokimi vazifasini bajaruvchi Joʼrabek Raximov Qoʼshkoʼpir tumanidagi 13-sonli, Xiva shahridagi 4, 11, 18, 19 –sonli va Yangiariq tumanidagi 29-sonli umumiy o‘rta taʼlim maktablarida boʼlib, ushbu yoʼnalishda boshlangan ishlar bilan tanishdi.