2023-yil 6-aprel kuni O‘quvchilarni kasb-hunarga yo‘naltirish va psixologik-pedagogik respublika tashxis markazi binosida UNFPA bilan umumta’lim maktab o‘quvchilari o‘rtasida sog‘lom turmush tarzini targ‘ib qilish, ularni mustaqil hayotga jismoniy, tibbiy, ruhiy jihatdan tayyorlash va reproduktiv salomatlik savodxonligini oshirish bo‘yicha fikr-mulohaza almashish maqsadida uchrashuv o‘tkazildi. Mazkur jarayonda UNFPA vakillari, Markaz xodimlari ishtirok etishdi.

Uchrashuv yakunida reproduktiv salomatlik to‘g‘risida keng doiradagi masalalarga e’tibor qaratilib, ularni sog‘lom turmush tarzi asoslari hamda insonga hayot davomida zarur bo‘ladigan tibbiy, ijtimoiy va madaniy ko‘nikmalar, jumladan o‘zaro shaxsiy munosabatlarni shakllantirish, o‘z-o‘zini va o‘z hissiyotlarini tushunish, hayotda mustaqil qaror qabul qilish, voyaga yetmagan o‘quvchilar orasida psixotrop moddalarga qaramlik, erta tug‘ruq va zo‘ravonlik singari salbiy holatlarni oldini olish maqsadida hamkorlikda amalga oshiriladigan ishlar belgilab olindi.