2023-yil 13-aprel kuni Sariosiyo tumanidagi 18-sonli umumiy o‘rta ta'lim maktabida tuman hokimi Abduqodir Donayev, tuman hokimi o‘rinbosari, tuman Maktabgacha va maktab ta’limi bo'limi boshlig‘i, umumta'lim maktablarining  1 nafardan kasb-hunarga yo‘naltiruvchi psixologi, xorijiy tillar (ingliz va nemis tili) fanlari o‘qituvchilari hamda maktab direktorlari ishtirokida ikkita til va bitta kasbga o‘qitish bo‘yicha ko‘rgazmali seminar bo‘lib o‘tdi. Seminar ishtirokchilariga kasb o‘rganishning mohiyati va maqsadlari tushuntirildi.

Seminar ishtirokchilari maktabda ikkita til (ingliz va nemis tili) va bitta (tikuvchilik, sartaroshlik, ko‘chatchilik, duradgorlik,  WEB kontent administratori va kompyuterlarga texnik xizmat ko‘rsatuvchi) kasbga o‘qitish bo‘yicha tashkil etilgan xonalar bilan tanishib shu kasblar bo‘yicha o‘tkazilayotgan to‘garak mashg‘ulotlarida ishtirok etishdi.  To‘garakda o‘quvchilarning sartaroshlik, duradgorlik va shu kabi kasblarni qay darajada egallab kelayotganliklari va ular tomonidan yaratilgan turli xil maxsulotlar taxlil qilindi. Seminar yuqori kayfiyatda o‘tdi.