O‘quvchilarni kasb-hunarga yo‘naltirish va kasb-hunarga bo‘lgan qiziqishlarini yanada oshirish hamda kasb oyligini davom ettirish maqsadida Moliya vazirligi tomonidan seminar tashkil etildi.

Seminar Toshkent viloyati Toshkent tumanidagi 9-sonli umumiy o‘rta ta’lim maktabining 11- sinf bitiruvchilari bilan o‘tkazildi. Seminarga “Sanoat Qurilish Bank” rahbarlari: Kadrlarni boshqarish departamentti rahbari A.Nodirov, chakana biznes departamentti direktor o‘rinbosari A.Rashidov, kichik va o‘rta biznes  departamentti boshqarma boshlig‘i Sh.Bafoyev va 9-sonli umumiy o‘rta ta’lim maktabi rahbari Sh.Niyozova boshchiligida bo‘lib o‘tdi. Seminarda o‘quvchilarga moliya tizimi, bank ishlari va hozirgi kunda yoshlarga yaratilayotgan kreditlar va ta’lim kreditlari haqida keng tushuncha berildi. O‘quvchilar o‘zlarini qiziqtirgan barcha savollarga to‘liq javob oldilar hamda bank rahbarlari tomonidan seminarda faol qatnashgan o‘quvchilarga esdalik sovg‘alari taqdim etdilar.