Mamalakatimizda xalq ta’limi tizimini zamonaviy darajada takomillashtirish yo‘lida olib borilayotgan keng ko‘lamli ishlardan ko‘zda tutilgan maqsad - o‘sib kelayotga avlodni har tomonlama barkamol shaxs etib tarbiyalash, ularning har biri o‘zlariga mos bo‘lgan kasb-hunar egasi bo‘lishlari, buning uchun kelgusida kasb-hunarni to‘g‘ri tanlashlari va puxta egallshlarini ta’minlash hisoblanadi. Shu maqsadda o‘quvchilarni kasblar to‘g‘risidagi fikrlashini takomillashtirish va kengaytirish maqsadida Buxoro viloyati Shofirikon tumanidagi 38-sonli ixtisoslashtirilgan davlat umumta’lim maktabda bo‘lib o‘tgan festival doirasida “Kasblar festivali» ko‘rgazmasi tashkil etildi.

Ko‘rgazmada tumandagi 2-sektor hududida joylashgan umumta’lim maktablarining iqtidorli va havaskor yoshlari tomonidan yaratilgan kashtachilik, zardo‘zlik, patdo‘zlik, zargarlik, munchoqli bezak, tasviriy san’at asarlari hamda robototexnika va elektronika jixozlari maketlari, innovasion ixtirolar, texnologik qurilmalar namoyish etildi. Festival ishtirokchilari turli xil kasb egalari tomonidan ishlab chiqilgan maxsulotlarni tamosha qilib, o‘zlari uchun ko‘plab ma’lumotlarga ega bo‘ldilar.