O‘quvchilarni kasb-hunarga yo‘naltirish va psixologik-pedagogik Respublika tashxis markaz Maktabgacha ta’lim tashkilotida psixologik xizmat ishlarini muvofiqlashtirish bo‘limi xodimlari tomonidan Toshkent shahar 25 nafar MTT psixologlari bilan «Мaktabgacha ta’lim tizimida tarbiyalanuvchilarning barqaror ijtimoiy va intellektual rivojlanishini ta’minlash» mavzusida o‘quv-amaliy seminar-trening mashg‘uloti o‘tkazildi.
Seminar davomida maktabgacha yoshdagi bolalarning aksariyati hayotlarining asosiy qismini bolalar bog‘chasida o‘tkazishi, bolalar bog‘chasi bolani murakkab, o‘zgaruvchan va qarama-qarshi ijtimoiy dunyoga olib boradigan zarur va muhim qadamlari, jamiyatga kirish qanchalik konstruktiv bo‘lishi ko‘p jihatdan bolaning bolalar bog‘chasidagi hissiy farovonligiga bog‘liq ekanligi to‘g‘risida so‘z yuritildi hamda amalga oshirilish mexanizmi belgilab olindi.