Uzluksiz ta’lim tizimini takomillashtirish, yangi sifat darajasiga o‘sib o‘tish masalasining yechimi ko‘p jihatdan o‘qish sub’yektlarining yangicha dunyoqarashiga, ijodkorlik jihatlariga bog‘liq. Ta’lim sohasida maqsadli yo‘nalishlarning tashkil etilganligi, zamon talablariga javob beruvchi umum ta’lim maktablari bilan bir qatorda ixtisoslashtirilgan maktablarning joriy qilinishi yoshlarning intellektual salohiyatini rivojlantirishiga xizmat qilib, madaniyat, san’at singari ko‘plab sohalarda yutuqlarni qo‘lga kiritishlariga sabab bo‘lishi, fikrimizning yorqin dalilidir. Yosh davrlari orasida “kelajakda kim bo‘lsam ekan?” degan masalani ko‘ndalang qo‘yuvchi davr bu shubhasiz - o‘spirinlikdir. O‘spirinlik - betakrorlik hislati, o‘ziga xosligi boshqa odamlardan keskin farqlanishi bilan harakterlanadi. U ijtimoiy hayotda bajarayotgan rollarning ko‘lami kengayadi, lekin barchasini egallash imkoniyatiga ega bo‘lmaydi. Shuningdek rollarda o‘zini sinab ko‘rish bilan cheklanadi. Vaqtni yangicha his qilish, patogen jarayonlarni namoyon bo‘lishi xosdir.

 Toshkent viloyati Piskent tumanidagi 1-sonli ixtisoslashtirilgan davlat umumta’lim maktabi psixologlari M.Zayniddinova va Y.Po'latova tomonidan maktabning 7-11-sinf o‘quvchilari uchun “Kasblar festivali” bo‘lib o‘tdi. Mazkur festivalda o‘quvchilarga kasblar olami, turlari haqida tushunchalar berildi. O‘quvchilar berilgan savollariga kerakli javoblarni oldilar.