Mamlakatimizda xalq ta’limi tizimini zamonaviy darajada takomillashtirish yo‘nalishida olib borilayotgan keng ko‘lamli ishlardan ko‘zda tutiladigan pirovard maqsad o‘sib kelayotgan avlodni har tomonlama rivojlangan barkamol shaxslar etib tarbiyalash, ularning o‘zlariga har tomonlama mos bo‘lgan kasb-hunar egasi bo‘lishlari, buning uchun kelgusidagi kasb-hunarlarini to‘g‘ri tanlashlari va puxta egallashlarini ta’minlash hisoblanadi. Bundan kelib chiqqan holda o‘quvchilarni kasb-hunar tanlashga yo‘naltirish ishlarini ilmiy asoslarda, zamonaviy pedagogik va psixologik talablarga muvofiq darajada tashkil qilish hamda bu jarayonning uzluksizligini ta’minlab borish xalq ta’limi tizimining hozirgi eng dolzarb vazifalari qatoriga kiradi.

Shu maqsadda Toshkent viloyati Toshkent tumanidagi 25-sonli umumiy o‘rta ta’lim maktabining yuqori sinf o‘quvchilari bilan “Farmasevtika ta'lim-tadqiqot instituti” ga sayohat tashkil qilindi.

 Sayohat davomida institutning kimyo fani katta o‘qituvchisi Alimjonova Barno institut yo‘nalishlari, o‘qish jarayoni, o‘quv honalari haqida ma’lumot berib o‘tdi. O‘quvchilarga ushbu institut shart-sharoitlari katta ta’surot qoldirdi.