Bugungi kunda umumiy o‘rta ta’lim maktablarining asosiy vazifalaridan biri - o‘sib kelayotgan yosh avlodni jamiyatda faol ishtirok etish va faoliyatga tayyorlashdir. Kasb-hunarga yo‘naltirish - o‘quvchilarning kasb-hunar va mehnat bilan bog‘liq rejalarini tuzish, kasb-hunar va mehnat faoliyati sohasini tanlash jarayoniga rahbarlik qilishdir. Bundan kelib chiqadiki, kasb-hunarga yo‘naltirish maktab faoliyatining ajralmas qismidir. Bu nafaqat maktabning, balki barcha o‘quvchi yoshlar taʼlim - tarbiyasiga maʼsul ijtimoiy institutlar, shu jumladan, oila, mahalla, davlat tashkilotlari, yoshlar ittifoqi va boshqalarning asosiy vazifasidir.

Toshkent viloyati Piskent tumanidagi 4 -sonli umumta’lim maktabining  oliy toifali kimyo fani o‘qituvchisi Valixonova Dilfuza Tolibjonovna tomonidan “Kasblar festivali'” doirasida 2023-yilning 19-aprel kuni tadbir tashkil etildi.Tadbir mehmonlari: Parmonov Sarvar Toshpo‘latovich - Islom Karimov nomidagi TDTU Olmaliq filiali "Metallurgiya va kimyoviy texnologiyalar" fakulteti "Metallurgiya" kafedrasi dotsent v.b.

Xudoymuratov  Shuxratjon Jumaboyevich - Islom Karimov nomidagi TDTU Olmaliq filiali "Metallurgiya va kimyoviy texnologiyalar" fakulteti "Metallurgiya" kafedrasi assistenti

Jalolov Baxtiyorjon Adxamjon o'g'li - Islom Karimov nomidagi TDTU Olmaliq filiali “Metallurgiya va kimyoviy texnologiyalar” fakulteti "Metallurgiya" kafedrasi assistenti.Respublika ma’naviy-ma’rifiy ishlar bo‘yicha Piskent tumani bo‘lim boshlig‘i Azimova Surayyo.