Inson va uning kasbi, kasbiy roli va kasbiy dunyo tizimidagi munosabati kabilar tahlil qilinadi. Kasb psixologiyasining ob’yekti bo‘lgan shaxs va kasb o‘rtasidagi o‘zaro munosabat shaxsga xos bo‘lgan psixologik xususiyatlar va individual psixologik jarayonlar va kasbga xos bo‘lgan xususiyatlarga ham bog‘liq bo‘ladi. Shuni aytish joizki, kasbga xos bo‘lgan psixologik o‘ziga xos tomonlar ham mavjuddir. Deylik, tikuvchi mato - gazlamalarni yaxshi bilishi, ularning sifati va tikilish usullari, estetik va dizayn bilan bog‘liq nozik tomonlarini doim sezib turishi kerak. Tikuvchi insonni go‘zal kiyimlar bilan bezashga intiladi. Matolarni tayyorlab beruvchi boshqa kasb egalari ham o‘zlariga xos bo‘lgan psixologik xususiyatlarga ega bo‘ladilar. Bu insonning o‘z tirikchiligini o‘tkazish uchun qanday faoliyat turi bilan shug‘ullanishi, qaysi kasb unga ma’qul kelishi va yashashi uchun qulayliklar yarata olishi bilan bog‘liq bo‘ladi.

Toshkent viloyati Bekobod shahridagi 2-sonli ixtisosshgan davlat umumta’lim maktabida 2023-yil 19-aprel kuni NUST MISiS Olmaliq filiali vakillari bilan bitiruvchilarimiz uchun tashkil etilgan uchrashuv bo‘lib o‘tdi. Uchrashuv vaqtida universitet haqidagi ma’lumotlar taqdimot tarzida yoritildi. Uchrashuv samarali o‘tdi. Bitiruvchilar o‘zlarini qiziqtirgan barcha savollarga javob oldilar.