Mamlakatimizda yoshlarni kasb-hunarga yo‘naltirish va yetuk mutaxassis sifatida shakllantirish masalalariga barkamol shaxsni tarbiyalashning muhim omili sifatida katta e’tibor qaratib kelinmoqda. Xususan, xalq ta’limi tizimini zamonaviy darajada rivojlantirishning dolzarb masalalaridan biri umumiy o‘rta ta’lim muassasalarida o‘quvchilarni kasb-hunarga yo‘naltirish ishlarini ilmiy - pedagogik asosda uzluksiz ravishda takomillashtirib borish hisoblanadi.

Buxorada ikki til va bir kasb o‘rgatish borasidagi faoliyat samaradorligini oshirish maqsadida xorijlik mutaxassis ishtirokida seminar-trening bo‘lib o‘tmoqda.

Buxoro shahridagi 39-sonli ixtisoslashgan davlat umumta’lim maktabida bo‘lib o‘tayotgan mazkur trening Toshkentdagi Britaniya menejment universiteti hamkorligida tashkil etildi. Mashg‘ulotlar universitetining ilg‘or tajribaga ega o‘qituvchisi Katherine Rick xonim tomonidan olib borilmoqda.