Mamlakatimiz taʼlim tizimida amalga oshirilayotgan keng qamrovli islohotlar taʼlim-tarbiya sifatining yuqori darajada boʻlishini taʼminlashga qaratilgan boʻlib, bu oʻz oʻrnida taʼlim tizimini tubdan isloh qilishni taqozo etmoqda, chunki mukammal taʼlim tizimi Respublikamizning kelajakdagi intellektual imkoniyatlarini va rivojlanishini belgilab beruvchi oʻquvchi yoshlarni har tomonlama ijodkor, mustaqil faoliyat yuritadigan qilib tarbiyalashda hal qiluvchi ahamiyatga ega. Yoshlarni kasb-hunarga yoʻnaltirish va yetuk mutaxassis sifatida shakllantirish masalalari barkamol shaxsni tarbiyalashning muhim omilidir.

Toshkent viloyati Ohangaron shahridagi 4- sonli umumiy o‘rta ta’lim maktabida 2.05.2023 yil kuni “ Kasblar festivali” bo‘lib o‘tdi.

“Kasblar festivali”da maktab o‘quvchilari o‘zlari tomonidan yaratilgan qo‘l mehnatlari, qandolatchilik maxsulotlari, texnika ijodlari, rassomchilik yo‘nalishlari, raqs, sanat yo‘nalishlarini namoyon etdilar. Shuningdek 1-11 sinflar kesimida “Kasblar olami” mavzusida devoriy gazetalar ko‘rik tanlovi bo‘lib o‘tdi.

Festival maqsadi: Maktab o‘quvchilarini  kasb - hunarga yo‘naltirish, turli kasblarga qiziqishlarini o‘stirib  ularga motivatsiya berish. Kasblar olami bilan yaqindan tanishtirish va yo‘naltirish.