Namangan viloyati Norin tumanidagi umumta’lim maktablarida o‘ziga xos keng qamrovli tashabbuslar amalga oshirilmoqda. Tumandagi 31 ta ta’lim muassasalarida asalarichilik to‘garaklari tashkil etilgan bo‘lib, ushbu yo‘nalishga 600 dan ortiq o‘quvchilar qamrab olingan. Hozirda 200 dan ziyod yashiklarda asalarilar parvarishlanmoqda. Astoydil qiziqish va intilishlar natijasida bugun yoshlarning o‘zi mustaqil asalarichilik va asal yetishtirish sir-asrorlarini biladilar va bu faoliyat turi bilan mustaqil ravishda mashg‘ul bo‘lmoqdalar. Natijalar ham izlanish, intilish va mehnatga yarasha bo‘lishi tabiiy. Ushbu sa’y-harakatlar samarasida ilm dargohlarida joriy yilning o‘zida 4 tonna asal olish va uning orqasidan 320 million so‘m daromad qilinishidan dalolat berib turibdi.