O‘zbekiston Respublikasi Prezidentining “2022-2026-yillarda Xalq ta’limini rivojlantirish bo‘yicha milliy dastur” ning 23-bandiga muvofiq Namangan tumanidagi maktab o‘quvchilarini professional ta’lim muassasalariga jalb etish bo‘yicha targ‘ibot-tadbirlari tashkil etib borilmoqda.

Joriy yilning 12-may kuni Namangan tumani Maktabgacha va maktab ta’limiga qararashli umumta’lim maktablarining 11-sinf bitiruvchilari Namangan tuman pedagogika kollejida “Kasblar festivali va ochiq eshiklar kuni” tadbiri tashkil etildi.

Mazkur tadbirga tumandagi umumta’lim maktablaridan jami 920 dan ortiq o‘quvchi-yoshlar tashrif buyurib, mazkur kollejda tashkil etilgan yo‘nalishlar, yaratilgan sharoitlar bilan atroflicha tanishishib, o‘z qiziqishlari bo‘yicha savollariga to‘liq javob olishdi. Bu kabi tadbirlar Namangan tumanida izchil va samarali ravishda davom etmoqda.