Surxondaryo viloyati Maktabgacha va maktab ta’limi boshqarmasi tomonidan joriy yilning 12-may sanasida Jarqo‘rg‘on tumanidagi 61-sonli umumta’lim maktabida viloyatdagi barcha tuman (shahar) Maktabgacha va maktab ta’limi bo‘limlari mas’ullari hamda Jarqo‘rg‘on tumanidagi barcha maktablarning psixologlari ishtirokida ko‘rgazmali-amaliy seminar o‘tkazildi.

Tadbirda davomida viloyat hokimining topshirig‘iga binoan Jarqo‘rg‘on tumani “O‘quvchilarga kasb o‘rgatish bo‘yicha namunali hudud” etib belgilanganligi sababli tumandagi barcha maktablarda bu yo‘nalish bo‘yicha ishlarni jonlantirish topshirig‘i berildi.

Shuningdek, maktab psixologlari faoliyatini samarali yo‘lga qo‘yish, o‘quvchilarning maqsad qo‘yish ko‘nikmalarini shakllantirish bo‘yicha ham ishtirokchilarga tavsiyalar berildi.