Ranglar jilosi
Farg‘ona viloyati Buvayda tumani hokimligi tomonidan uyda taʼlim oluvchi va inklyuziv taʼlim oʻquvchilari uchun “Ranglar jilosi” nomli rasmlar tanlovi boʻlib oʻtdi. Tadbirda alohida ta’lim ehtiyoji bo‘lgan o‘quvchilar ota-onalari bilan birgalikda faol qatnashib, o‘zlari sevgan rasmlarni chizib berishdi.
Tadbir soʻngida rasmlari bilan faol qatnashgan o‘quvchilar tuman hokimligi va Maktabgacha va maktab ta’limi bo‘limi tomonidan esdalik sovgʻalari bilan taqdirlandilar. Oʻquvchilar juda xursand ishtirok etdilar. Tanlov g‘oliblariga viloyat bosqichiga yo‘llanma berildi.