UNICEF халқаро ташкилоти Ўқувчиларни касб-ҳунарга йўналтириш ва психологик-педагогик республика ташхис маркази билан ҳамкорликда жорий йилнинг 22 май куни умумтаълим мактаб психологлари учун “Репатриант ва афғон миллатига мансуб ўқувчилар ва уларни таълим олишида мавжуд қийинчиликларни енгиш учун дастурларни ишлаб чиқиш ва татбиқ этиш” мавзусида ўқув-амалий семинар ўтказилди.

Семинар жараёнида репатриант ва афғон миллатига мансуб ўқувчиларнинг билим олишдаги бўшлиқлар, ижтимоий хизматларни бирлаштириш билан боғлиқ илғор тажрибалар орқали кўриб чиқилди. Психологлар билан мавзуга оид амалий машғулотлар ўтказилди.

Семинар ташкилотчилари психологлар билан биргаликда чет элдан келган ўқувчиларни қўллаб-қувватлаш дастурининг намунавий лойиҳаси кўриб чиқилди ва бахс мунозаралар тартибида ўтказилди.