Respublikamizning barcha hududlarida inklyuziv ta’lim sinflari joriy etilgan bo‘lib, bunday sinflarda alohida ta’lim ehtiyoji bo‘lgan o‘quvchilar ta’lim olib kelishmoqda. 2022-2023 o‘quv yilida inklyuziv ta’limga jalb qilingan o‘quvchilarga pedagoglar jamoasi tomonidan alohida yondashildi va ularning sog‘lom tengdoshlari kabi bilim olishlariga imkoniyatlar yaratildi. Alohida ta’lim ehtiyoji bo‘lgan o‘quvchilarni maktabga moslashtirib, ulardagi nuqsonlarni korreksiyalab, xat-savodini chiqarishda boshlang‘ich sinf o‘qituvchisi, maxsus pedagog va psixolog tinmasdan mehnat qilishdi.

Bugun esa mehnatlari mevasi o‘z samarasini ko‘rsatib, alohida ta’lim ehtiyoji bo‘lgan o‘quvchilar “So‘ngi qo‘ng‘iroq” tadbirida faol qatnashib, tashakkurnoma bilan taqdirlanishdi. O‘quvchilar yod olgan she’rlari bilan, ota-onalar esa samimiy tilaklari bilan pedagoglar jamoasiga o‘z minnatdorchiligini bildirishdi.