Oʻquvchilarni kasb-hunarga yoʻnaltirish va psixologik-pedagogik respublika tashxis markazi mutaxassislari Yaponiyalik professor-oʻqituvchilar Takako Homma hamda Michiko Tsuruminelar ishtirokida “Alohida taʼlim ehtiyojlari boʻlgan oʻquvchilar uchun individual taʼlim rejasini toʻgʻri tuzish” mavzusida oʻquv amaliy seminar oʻtkazildi. Seminarda tuman (shahar) maktabgacha va maktab taʼlimi boʻlimidagi Bolalarni ijtimoiy-psixologik qoʻllab-quvvatlash va inklyuziv taʼlim shoʻbasi metodistlarini, inklyuziv taʼlim muassasalarida faoliyat yuritayotgan maxsus pedagog, maktab amaliyotchi psixologlari va boshlangʻich sinf oʻqituvchilari ishtirok etishdi. Tinglovchilarga xalqaro ekspertlar bilan ishlab chiqilgan “Individual ta’lim rejasi nima?”, “Individual ta’lim rejasini kim tuzadi?” “Individual ta’lim rejasini tuzishda nimalarga e’tibor beriladi?” kabi savollarga atroflicha javoblar berildi.