Joriy yilning  30-may kuni Qashqadaryo viloyati Shahrisabz shahar Maktabgacha va maktab ta'limi bo'limi O‘quvchilarni  psixologik-pedagogik qo'llab-quvvatlash markazi inkluziv ta'lim sho'basi metodistlari hamda 12 nafar trener maktab psixologlari tomonidan shahardagi  umumta‘lim maktablarining  40 nafar maktab psixologlari uchun  "O'quvchilarda hayotiy ko'nikmalarni shakllantirish" mavzusida  o‘quv amaliy seminar-trening mashg‘ulotlari o‘tkazildi.

Treningda o'quvchilarda yumshoq ko'nikmalarni shakllantirish, ularni hulqidagi o'g'uvchanlikni oldini olish, profilaktika tadbirlarining maqsad va vazifalari, profilaktik tadbirlarni amalga oshirish va o‘tkazishning faol usullari hamda maktab psixologi, sinf o‘qituvchisining vazifalari xususida batafsil to‘xtalib o‘tildi.

Shuningdek, mazkur jarayonda mutaxassis maktab psixologlari amaliyotda foydalanishlari uchun diagnostika metodlari va korreksion usullarni o‘tkazish bo‘yicha tavsiyalar berildi.