Inson umrining koʻrki va mazmuni farzanddir. Jajji va qalbi begʻubor bolajonlarni ardoqlash, sogʻlom oʻstirish, turli xurujlardan asrash, ularga taʼlim-tarbiya berish kattalarning muqaddas burchi hisoblanadi.

Bugun Namangan viloyati Pop tumanining goʻzal goʻshalarining biri Sohil dam olish majmuasida 1-iyun — Xalqaro bolalarni himoya qilish kuni keng nishonlandi. Bu bayram bolajonlarga bir olam quvonch bagʻishladi. Unda bayramona dasturxon yozilib, koʻngilochar dasturlar tashkil etildi hamda bayram qatnashchilariga sovgʻalar ulashildi.

Tadbirda madaniyat vakillari tomonidan kuy-qoʻshiqlar yangradi, jajjilarning musiqiy chiqishlari bilan koʻtarinki ruhda davom etdi.