BMT tomonidan 1948-yilda qabul qilingan “Inson huquqlari umumjahon Deklaratsiyasi”da “Ta’lim olish har bir insonning ajralmas asosiy huquqi” ekanligi alohida e’tirof etilgan. “Inson huquqlari umumjahon Deklaratsiyasi” barcha insonlarning huquq va erkinliklarini kafolatlar ekan, bu Deklaratsiyaning barcha bandlari maxsus ehtiyojli insonlarga tegishliligi aniqlandi. Nogiron shaxslarning huquqlarini yanada mustahkamlash va kafolatlash maqsadida BMT 1975-yilda “Nogiron shaxslar huquqlari to‘g‘risida”gi Deklaratsiyani qabul qildi. Mazkur deklaratsiyada ta’kidlanishicha:

“Nogironlar shaxsini hurmat qilish huquqi ularda tug‘ilish bilan mavjud bo‘ladi. Nogironlikning kelib chiqish tabiati va jiddiylik darajasidan qat’iy nazar, fuqaro o‘z yoshidagi tengdoshlari bilan bir xil huquqlarga egadirlarkim, shu bilan birga ular mumkin qadar to‘laqonli yaxshi hayot kechirish huquqiga ham ega”

“Nogiron shaxslar huquqlari to‘g‘risida”gi Deklaratsiya, 3-modda