Yozda sog‘lomlashtirish maydonchalarini tashkil etish muqobil jarayondir. Bu vaqtda bolalar uchun tabiat bilan muloqot qilishning eng qulay davri. Bu davrda turli xil ochiq o‘yinlar o‘tkazish o‘quvchilarni atrofdagi dunyo bilan tanishtirish uchun ajoyib imkoniyatdir. Har kuni, har bir daqiqani o‘quvchilarni o‘qitish, rivojlantirish, tarbiyalashga sarflash, ularning bilim va g‘oyalarini boyitish, yozgi davr sharoitidan imkon qadar to‘liq foydalanishga harakat qilish kerak. O‘quvchilarga yil davomida olgan bilimlarini mustahkamlash va amalda qo‘llash imkonini beradigan tadbirlar o‘tkazish lozim.

Kun tartibida tashkil etiladigan sport va sog‘lomlashtirish tadbirlarining maqsadi - bolalarning vaqtini sermazmun o‘tkazish, ularning ham jismoniy, ham ruhiy jihatdan hordiq chiqarishlarini ta’minlash orqali har tomonlama barkamol avlodni voyaga yetkazishdan iboratdir.

Toshkent viloyati Angren shahri 18-umumiy oʻrta taʼlim maktabida ham “Yozgi sogʻlomlashtirish maydonchasi” tashkil etilgan bo‘lib, u yerda o‘quvchilar maroqli dam olishmoqda.