Ўзбекистондаги инклюзив таълимни ривожлантириш, алоҳида таълим эҳтиёжлари бўлган болаларга  таълим-тарбия бериш борасида хорижий тажрибаларни ўрганиш ва амалиётга жорий этиш мақсадида 2023 йилнинг
16 октябрь куни Ўқувчиларни касб-ҳунарга йўналтириш ва психологик-педагогик республика ташхис марказида Мактабгача ва мактаб таълими вазирлиги Болаларни ижтимоий ҳимоялаш ва қўллаб-қувватлаш бошқармаси, Бирлашган Миллатлар Ташкилотининг Болалар фондининг Ўзбекистондаги ваколатхонаси (UNICEF), “Zamin” халқаро жамоат фонди вакиллари ҳамда ЮНИСEФнинг Ўзбекистондаги инклюзив таълимни ислоҳ қилиш бўйича маслаҳатчиси Юдит Холленвегер иштирокида учрашув ташкил этилди.

            Давра суҳбатида иштирокчиларга марказнинг асосий фаолияти,  инклюзив таълим тизимида амалга оширилган ишлар, шу билан бирга, инклюзив таълим иштирокчилари учун марказ томонидан ишлаб чиқилган методик қўлланмалар, ота-оналар учун тавсиялар ҳақида маълумотлар берилди.

Суҳбат давомида Ю.Холленвегер  Ўзбекистонда яратилган инклюзив таълим тизими ҳақидаги ўз фикр ва мулоҳазаларини айтиб ўтди.

Суҳбат якунида ўзаро тажриба алмашиш ва келгусидаги хамкорлик режалар ҳақида келишиб олинди.