Мактабгача ва мактаб таълими вазирлиги ҳузуридаги Ўқувчиларни касб-ҳунарга йўналтириш ва психологик-педагогик республика ташхис маркази "Impact Consulting" колсалтинг компанияси хамкорлигида алоҳида таълим эҳтиёжлари бўлган ўқувчилар учун тадбир ташкил этилди.

 Республика ташхис мaрказига 18 нафар алоҳида таълим эҳтиёжлари бўлган болалар билан уларнинг ота-оналари таклиф этилди.

Тадбирнинг асосий мақсади болаларга қувонч бахш этиш, алоҳида таълим эҳтиёжлари бўлган  болаларнинг билим, кўникма ва малакаларини ошириш, ижтимоий ҳаётга мослаштириш, тенгдошлари билан таништириш ва истеъдодларини очиб бериш.

Психологлар томонидан салбий хис-туйғуларини енгишга, салбий эмоцияларини ижобий хис-туйғуларга алмаштиришга ота-оналар учун тренинг ўтказилди.

Тадбир ташкилотчилари мутахассислар билан бир қаторда М.Улуғбек номидаги Ўзбекистон Миллий университети, Тошкент давлат иқтисодиёт университети, Сингапур MDIS менежментни ривожлантириш институти, Тошкент давлат шарқшунослик университети, Тошкент AKFA университети, Британия менежмент институти талабалари кўнгиллилар сифатида иштирок этдилар.