2023-yil 7-noyabr kuni respublikada inklyuziv taʼlimni rivojlantirish, samarali tashkil etish hamda pedagog kadrlarni tayyorlash, bilimlarini muntazam oshirib borilishini taʼminlash maqsadida Maktabgacha va maktab taʼlimi tizimidagi psixolog-metodistlar hamda umumtaʻlim tashkilotlarinig pedagog xodimlari uchun 36 soatli malaka oshirish kursi yuzasidan navbatdagi oʻquv seminar boʻlib oʻtdi. Oʻquv seminarda Rossiya davlati Pskov viloyati pedagog xodimlarning malakasini oshirish instituti mutaxassislari  S.N.Komarova, N.V.Semyonova, N.M.Lyubavinalarning 1.“Inklyuziv sinflarda alohida taʻlim ehtiyojlari boʻlgan oʻquvchilarga boshlangʻich sinf oʻqituvchisining individual yondashuvi”, 2.“Inklyuziv taʻlimda fan oʻqituvchilarining alohida taʻlim ehtiyojlari boʻlgan oʻquvchilarga individual yondashuvi” mavzularidagi maʼruzalari tinglandi va amaliy tajribalari bilan tanishildi.

ZOOM platformasi orqali onlayn tarzda oʻtkazilgan oʻquv seminarda jami 220 nafar tinglovchi ishtirok etdi. Tinglovchilar oʻzlarini qiziqtirgan savollarga javoblar oldilar.