Joriy yilning Oʻzbekiston koʻzi ojizlar jamiyati Markaziy Boshqaruvi Oʻzbekistonda koʻzi ojizlar taʻlimi uchun yaratilgan shart-sharoitlarni keng xalq ommasiga yetkazish, tiflo taʻlim muammolari va ularning yechimlari toʻgʻrisida soha mutaxassislari oʻrtasida fikr almashish va koʻzi ojiz yosh talabalarning taʻlim olishlariga koʻmaklashish maqsadida hamda 13-noyabr “Xalqaro koʻzi ojizalar kuni”, 3-dekabr “Xalqaro nogironlarni himoya qilish kuni”ga bagʻishlab “Taʻlim tenglik tayanchi” nomli davra suhbati tashkil etdi.
Davra suhbatida Oliy taʻlim, fan va innovatsiyalar vazirligi, Maktabgacha va maktab taʻlimi vazirligidan Tashxis markazi, Taʼlim markazi vakillari, Toshkent shahridagi 77-sonli “Nurli maskan” maktab-internatining oʻqituvchilari va oliy taʼlim muassasa talabalari ishtirok etishdi.
Inklyuziv taʼlim yoʻnalishi boʻyicha Oʻquvchilarni kasb-hunarga yoʻnaltirish va psixologik-pedagogik respublika tashxis markazi metodisti Sh.Axmedova soʻzga chiqdi.