Maktab taʼlimi tizimida voyaga yetmaganlarning oʻzini anglashlarini rivojlantirish va taʼlim muassasalarining faoliyatida yosh xususiyatlarini hisobga olgan holda shafqatsiz munosabatda va turli turdagi zoʻravonliklarning oldini olish masalasi boʻyicha “Zoʼravonlikdan holi maktab” loyihasini tajriba sinov tariqasida amaliyotga tatbiq etish rejalashtirilgan.

Ushbu loyihani amalga oshirishda Toshkent shahridan tanlab olingan maktablar mutaxassislari uchun joriy yilning 10 oktabr kuni Markaz binosida oʻquv mashgʻulotlar oʻtkazildi.

Oʻquv seminar davomida “Zoʻravonlikdan holi maktab” loyihasining asosiy maqsad va vaziflari tushuntirildi.

Loyiha doirasida koʻzlangan maqsad:

Taʼlim muassasasida barcha turdagi zoʻravonlik holatlarini oldini olish;

Taʼlim muassasasida xavfsiz va ijobiy ijtimoiy-psixologik muhitni yaratish va saqlash, profilaktika chora-tadbirlarini ishlab chiqish, taʼlim muassasasi xodimlarining barcha turdagi va har qanday zoʻravonlik harakatlari, holatlarini oldini olish borasidagi javobgarliklarini oshirish;

Oʻquv dasturini amalga oshirishda, inson huquqlari va qadr-qimmatini hurmat qilishga asoslangan insonparvar va zoʻravonliksiz munosabatlarni shakllantirishga qaratilgan taʼlim tizimini yaratishga hissa qoʻshishdan iborat.