Maktabgacha va maktab ta’limi vazirligi hamda A.I.Gersen nomidagi Rossiya davlat pedagogika universteti hamkorligida tasdiqlangan “Oʻzbekiston Respublikasi Maktabgacha va maktab ta’limi vazirligi tizimidagi umumta’lim tashkilotlari psixolog-metodist va pedagog kadrlarning malakasini oshirish kursi” grafik rejasi asosida 2023-yil 11-dekabrda respublikada inklyuziv taʼlimni rivojlantirish, samarali tashkil etish hamda pedagog kadrlarni tayyorlash, bilimlarini muntazam oshirib borilishini taʼminlash maqsadida 36 soatli malaka oshirish kursining navbatdagi oʻquv seminari boʻlib oʻtdi.

Oʻquv seminarda  Qozogʻiston Respublikasi, Olmaota shahar maxsus va inklyuziv ta’limni rivojlantirish milliy ilmiy-amaliy markazi bosh direktori
A.M. Kuderinovaning “Включение детей с ОВЗ в социум. (роль педагога в оптимизации детско-родительских отношений)” va Chirchiq davlat pedagogika universiteti professori, maxsus pedagogika kafedrasi mudiri F.Qodirovaning “Inklyuziv va boshlangʻich tayanch  korreksion sinflarda darsdan tashqari individual ishlash texnologiyasi” mavzularidagi maʼruzalari tinglandi va amaliyotda qoʻllash usullari yuzasidan ma’lumotlar olindi.

ZOOM platformasi orqali onlayn tarzda oʻtkazilgan oʻquv seminarda jami 220 nafar metodist va pedagog xodimlar faol ishtirok etdi. Tinglovchilar oʻzlarini qiziqtirgan savollarga javob oldilar.