2023-yil 14-dekabr kuni Maktabgacha va maktab taʼlimi vazirligi hamda A.I.Gersen nomidagi Rossiya davlat pedagogika universiteti hamkorlikda respublikada inklyuziv taʼlimni rivojlantirish, samarali tashkil etish hamda pedagog kadrlarni tayyorlash, bilimlarini muntazam oshirib borilishini taʼminlash maqsadida tashkil etilgan  36 soatlik “Oʻzbekiston Respublikasi Maktabgacha va maktab ta’limi vazirligi tizimidagi umumta’lim tashkilotlari psixolog-metodist va pedagog kadrlarning malakasini oshirish kursi” grafik rejasi asosida yakuniy o‘quv seminari bo‘lib o‘tdi.

Oʻquv seminarda  Oʻquvchilarni kasb-hunarga yoʻnaltirish va psixologik-pedagogik respublika tashxis markazi metodisti F.Inogamovaning “Inklyuziv taʼlimda oʻqituvchilarning muloqot qobiliyatlarini rivojlantirish” mavzusidagi maʼruzasi tinglandi.

ZOOM platformasi orqali onlayn tarzda oʻtkazilgan oʻquv seminarda jami 200 nafardan ziyod metodist va pedagog xodimlar ishtirok etdi.