Oʻquvchilarni kasb-hunarga yoʻnaltirish va psixologik-pedagogik respublika tashxis markazi mutaxassislari tomonidan umumtʼalim muassasalari va oʻrta maxsus kasb-hunar kollejlarida faoliyat olib borayotgan psixolog va metodislar uchun “Yoshlar va oʻsmirlar oʻrtasida deviant xulq atvori profilaktikasi” nomli malaka oshirish kursining “Oʻquvchi-yoshlarda fanatik hatti-harakatlarni shakllantiruvchi omillar va ularni bartaraf etish usullari”, “Maktablarda oʻz joniga qasd qilish haqida xabardorlik, oʻz joniga qasd qilishni oldini olish, aralashuv va undan keyingi chora-tadbirlar boʻyicha koʻrsatmalar” hamda “Psixologik trening va konsultatsiya jarayonlarini toʻgʻri tashkil etish usullari” mavzulari asosida trening mashgʻulotlari oʻtkazildi.

Mashgʻulotlarda mutaxassislar tomonidan oʻquvchi-yoshlarda yuzaga kelishi mumkin boʻlgan salbiy xatti-harakatlarning oldini olish yuzasidan  nazariy va amaliy tavsiyalar, proyektiv metodikalar taqdim etilib, ishtirokchilar guruhlarga ajratilgan holda jarayonlarda ishtirok etishdi.