Oʻzbekiston Respublikasi Prezidentining “Alohida taʼlim ehtiyojlari boʻlgan bolalarga taʼlim-tarbiya berish tizimini yanada takomillashtirish chora-tadbirlari toʻgʻrisida”gi qaroriga muvofiq, 2021-2022 oʻquv yilidan umumtaʼlim maktablarida inklyuziv taʼlim va korreksion sinflar faoliyati yoʻlga qoʻyilgan va bugungi kunga qadar inklyuziv taʼlimda taʼlim olayotgan oʻquvchilar ijobiy natijalarga erishmoqda. Mazkur qaror imkoniyati cheklangan bolalarning sogʻlom bolalar qatori taʼlim-tarbiya olishini taʼminlash hamda ularga koʻrsatiladigan taʼlim xizmatlari sifatini yaxshilashga qaratilgani bilan ahamiyatlidir.

Ayni paytda bu oʻquvchilarning sifatli taʼlim-tarbiya olishlari uchun qulay sharoitlar yaratish va sifatli taʼlim olishlarini taʼminlash maqsadida davlatimiz tomonidan barcha imkoniyatlar yaratilmoqda va yoʻlga qoʻyib borilyapti. Oliy toifali boshlangʻich sinf oʻqituvchilari, tajribali psixolog har bir oʻquvchining jismoniy va aqliy imkoniyatlari, qiziqish va qobiliyatlaridan kelib chiqib, guruhlarda va yakka tartibda mashgʻulotlar olib borishmoqda.

Bugungi kunda  alohida taʼlim ehtiyojlari boʻlgan bolalar sogʻlom sinfdoshlari qatori oʻqishni, rasm chizishni, yozishni katta qiziqish bilan oʻzlashtirmoqda. Eng muhimi, ular oʻzlarini sogʻlom bolalar qatorida teng xis qilishmoqda

Quyidagi videorolik orqali, Buxoro viloyat Kogon tuman 5-IDUM maktabidagi, 2-"B" Inklyuziv sinf oʻquvchisi Azimova Samira (Tashxis:Serebral insult) ning koʻrsatayotgan natijalari bilan tanishishingiz mumkun.